ياللـي دفنتـوا جثتـه.. ليـه تبـكـون؟
لـولا الحيا..لأقـول : معكـم خـذونـي
منه انحرمت وكنت انـا عنـه مسجـون
ما أذكر لمحتـه .. غيـر مـره بعيونـي
شفتـه ..وكانـت فرحتـي مالهـا لـون
عجزت لأوصف .. من لمحتـه شجونـي
ياليتنـي ..كنـت الكفـن يـوم تمشـون
أبقـى معـه بالقـبـر ثــم تدفنـونـي
أو ليتني .. من خلفكم كنـت (مجنـون)
أتبـع خطاكـم والعـذر هـو : جنونـي
أبكي وراكم .. وأدعي ان كـان تدعـون
ما يكفي انـه عـاش عمـره بدونـي؟؟
تكفون < هاكـم عمـري اليـوم تكفـون
برخـص حياتـي دام خابـت ظنـونـي
ما فادني صبـري ولا فادنـي عـون
ولا فادني دمع(ن) .. حرق لـي جفونـي
يا مـا بكيتـه والبكـي يحـرق عيـون
ميت أو انـه حـي .. دمعـي بعيونـي
العـام كـان بفرحتـه.. يعـزف لحـون
واليوم ؛ تحت الأرض .. ماهـو بكونـي
لكن أنـا فـي فرحتـه.. كنـت مدفـون
فوق الثرى .. واليـوم موتـه سجونـي
(سميـت قلبـي عقـب فرقـاه ملعـون)
هو و الليالـي .. عـن هنـاه امنعونـي
ياليتنـي.. ماعشـت لحظـه بهالـكـون
و ياليت ربعي .. فـي سكـات اذبحونـي
وياليتكم .. عـن همّـي اليـوم تـدرون
منه انحرمت > ومن عزاه .. احرمونـي
حتى بوفاته يوم أنـا طحـت مطعـون
أخفيت طعناتـي .. قبـل لا يفضحونـي
بكيـت لكـن .. ماتظاهـرت بالهـون
أبكي وأقـول : المـوت سبـة طعونـي
و إن كان في حبّي أنا ..ماتحسّـون ..؟!
دلوني لقبره .. هناك .. اتركووووني ..
الجمعة مايو 29, 2009 3:59 am
